Nur-Sultanda sońǵy táýlikte karantın rejımin buzýdyń 60 jaǵdaıy tirkeldi
NUR-SULTAN. QazAqparat – Nur-Sultanda sońǵy táýlikte karantın rejımin buzýdyń 60 jaǵdaıy tirkeldi. Bul týraly reıd barysynda Nur-Sultan qalalyq polıtsııa bólimine qarasty Esil aýdandyq polıtsııa bóliminiń bastyǵy Madııar Aıtýǵanov málim etti, dep habarlaıdy QazAqparat tilshisi.
«Tártip saqshylary, epıdemıologtar, eriktiler, jergilikti atqarýshy organdardyń ókilderi karantındik rejımniń buzylý jaǵdaılaryn anyqtaý maqsatynda reıd júrgizýdi jalǵastyrýda. Ótken táýlik ishinde Nur-Sultanda mobıldi toptar karantın rejımin buzýdyń 60 jaǵdaıyn anyqtady. Olardyń 42-si maska kııý men áleýmettik qashyqtyqty saqtaýdyń mindetti talaptaryn buzý, sondaı-aq 18-i tyıym salynǵan ýaqytta jumys isteıtin kásipkerlik sýbektileriniń ereje buzýy», - dedi Madııar Aıtýǵanov.
Qalalyq polıtsııa departamenti is-materıaldary Nur-Sultan qalasyndaǵy taýarlar men qyzmetterdiń sapasyn baqylaý jáne baqylaý departamentine tapsyrylǵanyn habarlady.
Jalpy elordada monıtorıng boıynsha 16 mobıldi top bar. Olar oıyn-saýyq mekemeleri, tamaqtaný oryndary, monsha, attraktsıondardy aralap, olardyń ıelerine qazirgi karantındik sharalar týraly eskertedi.
«Mysaly saǵat 23:40-ta Sátbaev kóshesinde 12 adam otyrǵan kompıýterlik klýb anyqtaldy. Táýelsizdik kóshesinde taǵy bir kompıýterlik klýbtyń jumysyn toqtattyq. Ol kompıýterlik klýbta 5 adam, onyń ishinde kámeletke tolmaǵan bir bala boldy. Densaýlyq saqtaý organy klýb ákimshisine qatysty ákimshilik hattama toltyrdy. Túngi ýaqytta oıyn-saýyq mekemesine zańdy ókilsiz barǵany úshin kámeletke tolmaǵan balanyń ata-anasyna qatysty da ákimshilik hattama toltyryldy. Sonymen qatar qazirgi shekteýlerge qaramastan, Tarhan kóshesindegi kafe túnde kelýshilerdi qabyldaı bergen. Karantın kezeńinde, osy jyldyń 5 shildesinen bastap atalǵan mekemeniń ıesi karantın rejımin 7 ret buzdy. Soǵan qaramastan óz qyzmetin jalǵastyra bergen. Menshik ıesin ákimshilik jaýapqa taýarlar men qyzmetterdiń sapasyn baqylaý departamentiniń mamandary tartty «, - dep túsindirdi spıker.
Sonymen qatar, 18 shildede saǵat 20:30-da polıtsııa qyzmetkerleri massaj salonyndaǵy ereje buzýshylyqty anyqtady. Aısha bıbi kóshesindegi kottedjde ornalasqan bul uıym tyıym salynǵanyna qaramastan jumys istegen. Onda 14 adam boldy. Salonǵa qatysty materıaldar Nur-Sultan qalasyndaǵy taýarlar men qyzmetterdiń sapasy men qaýipsizdigin baqylaý bólimine jiberilgen.
