Nur-Sultanda sońǵy patsıent koronavırýstan tolyq aıyǵyp, nárestesimen aýrýhanadan shyqty
NUR-SULTAN. QazAqparat - Nur-Sultan qalasynda COVID-19-dan emdelgen sońǵy naýqas jańa týǵan nárestesimen birge aýrýhanadan shyqty, dep habarlaıdy QazAqparat tilshisi.
Nur-Sultan qalasy ákimdigi baspasóz qyzmetiniń málimetine qaraǵanda, jańa b osanǵan áıel juqpaly aýrýlar aýrýhanasyna tamyzdyń basynda koronavırýs juqtyryp, orta dárejedegi pnevmonııamen túsken. Onyń tynysy tarylyp, shuǵyl operatsııa jasaldy. Bala aman-esen dúnıege keldi. Aýrýdan taza aıyǵýyna baılanysty ana men bala aýrýhanadan shyǵaryldy.
17 tamyzda №1 kópbeıindi qalalyq aýrýhananyń akýsherlik bólimshesi koronavırýsten sońǵy naýqastyń emdelip shyǵýyna baılanysty juqpaly aýrýlar aýrýhanasy retinde qyzmetin toqtatyp, shtattyq rejımde jumys isteýge daıyndalýda.
Áıeldiń týystary aýrýhananyń barlyq qyzmetkerlerine, dárigerlerge alǵys bildirdi.
«Dárigerlerdiń tynymsyz eńbeginiń arqasynda balalarymyz aman-saý úıge oraldy» deıdi olar.
№1 kópsalaly qalalyq aýrýhananyń akýsherlik bólimshesi 17 maýsymda juqpaly aýrýlar aýrýhanasy bolyp qaıta qurylyp, koronavırýs ınfektsııasy bar júkti áıelderge kómek kórsetti. Munda barlyǵy 779 naýqas emdeldi, olardyń ishinde 378-i aýyr jáne ortasha pnevmonııamen túsken. Barlyq jumys kezeńinde ınfektsııalyq akýsherlik bólimde 351 náreste dúnıege keldi.
