Nur-Sultanda sońǵy 10 jyl ishinde alǵash ret qyzǵaldaq otyrǵyzyldy
NUR-SULTAN. QazAqparat - Nur-Sultanda sońǵy 10 jyl ishinde alǵash ret qyzǵaldaq gúli otyrǵyzyldy. Ótken jyldyń kúzinde qalada 130 myńnan astam túınegi otyrǵyzylǵan. Mereke qarsańynda gúldep, jurtshylyqtyń kózaıymyna aınaldy. Bul týraly «Astana-Zelenstroı» JShS baspasóz qyzmetine silteme jasap QazAqparat habarlaıdy.
«Osy jyldyń ereksheligi – qalada qyzǵaldaq gúliniń jaıqalyp turýy. Qyzǵaldaq túınegi ádette kúzde otyrǵyzylady. Ótken jyldyń kúzinde 132 myń túınek otyrǵyzylǵan. Mine endi mamyr aıynda gúldep, qalamyzdyń sánin arttyryp tur. Qyzyl, qyzǵylt jáne sary qyzǵaldaqtar elorda turǵyndarynyń kózaıymyna aınaldy. Aıta keterligi, Nur-Sultanda qyzǵaldaq gúli 10 jyldan beri otyrǵyzylmaǵan» dep atap ótti «Astana-Zelenstroı» JShS.
«Astana-Zelenstroı» JShS habarlaǵandaı, gúl otyrǵyzý – shydamdylyqty talap etetin jumys.
Ótken jyldan beri kópjyldyq gúlderge erekshe mán berilip keledi. Sebebi olar salqyn aýa raıyna tózimdi bolyp keledi.
Bul jumys barlyq aýdanda júrgizildi.
Nur-Sultanda jasyl jelekter (aǵashtar, butalar, kóshetter jáne t.b.) otyrǵyzý jumystary qala ishinde de, jasyl beldeýde de júrip jatyr.
Saıabaq aýmaǵy, turǵyn úıler men aýlalar ǵana emes, sonymen qatar kórikti jerler de kógaldandyrylǵan.
Mysaly, «Astana Opera» mańynda emen baǵy, «Astana balet» janynda jasyl baq, Trıatlon parkte mamyrgúl baǵy bolady.
Saıabaqtardaǵy, skverlerdegi, býlvarlardaǵy sýarý júıesi bes ese jaqsardy. Sýarý júıesi avtomatty jáne mehanıkalyq rejımde de júzege asyrylady.
