Nur-Sultanda soǵys batyrlaryn eske alý sherýi onlaın ótedi

NUR-SULTAN. QazAqparat – Bıyl «Jaýjúrek polk» aktsııasy onlaın formatta ótkizý josparlanǵan, dep habarlaıdy QazAqparat tilshisi elorda ákimdiginiń baspasóz qyzmetine silteme jasap.

Aktsııa Jaýjúrek polk biryńǵaı aqparat platformasynda jáne tanymal áleýmettik jelilerdegi akkaýnttarynda ótkiziledi.

«Munda aktsııaǵa qatysýshylar týraly biryńǵaı derekter banki jáne qazaqstandyq qatysýshylar men soǵys ardagerleri týraly arhıv aqparaty men tarıhı anyqtamalar qalyptasady. Platforma servısi nıet bildirgen ár adamǵa óz týystary týraly qajetti derekterdi qaldyrýǵa jáne olardy kelesi jyldary aktsııa ótkizý kezinde paıdalanýǵa múmkindik beredi», - delingen baspasóz qyzmetiniń habarlamasynda.

Aıta keteıik, bıyl Nur-Sultan qalasynda Jeńis kúnine arnalǵan áskerı parad uıymdastyrylmaıdy.

Qorǵanys mınıstrligi muny bıýdjet qarajatyn únemdeý úshin, sondaı-aq basqa da mindetterdi sheshý qajettigine baılanysty dep túsindirdi.

Sonymen birge, Nur-Sultan qalasynyń mádenıet basqarmasy 7 jáne 9 mamyr kúnderi merekelik otshashý bolmaıtynyn habarlady.