Nur-Sultanda «Shyńǵys han» kitabynyń tusaýkeseri ótti
Kitap avtorlary – memleket jáne qoǵam qaıratkeri, saıası ǵylymdar doktory Erjan Isaqulov pen Qazaqstan musylmandary dinı basqarmasy ǵalymdar keńesiniń múshesi, Ońtústik Qazaqstan memlekettik ýnıversıtetiniń aǵa ǵylymı qyzmetkeri Orazbaı Zarıpbaı.
Kitapta XV jáne XVI ǵasyrlarda parsy tilinde jazylǵan Sharaf ad-dın Alı Iazdıdiń «Zafar Nama» jáne Muhammed Haıdar Dýlatıdiń «Tarıh-ı Rashıdı» shyǵarmalarynan túrki taıpalarynyń paıda bolý ýaqyty týraly jańa málimetter keltirilgen.
«Barshańyzdy Shyńǵys han týraly kitaptyń búgingi tusaýkeserimen quttyqtaımyn! Kitapta uly hannyń shejiresi, týǵan jeri týraly zertteýler, ǵalymdardyń topografııalyq jazbalary jáne Shyńǵys han men onyń jaqyndarynyń jerlengen orny sekildi ózge de málimetter kórsetilgen. Aıta ketý kerek, zertteý barysynda búginge deıin qazaq tilinde jarııalanbaǵan «Jamıǵat-at taýarıh» eńbegi aýdaryldy», — dedi kitaptyń avtory Orazbaı Zarıpbaı.
Іs-sharaǵa memleket qaıratkeri, ǵalym, fılologııa ǵylymdarynyń doktory, professor Myrzataı Joldasbekov, qalalyq Іshki saıasat basqarmasynyń basshysy Dáýren Babamuratov jáne ózge de zııaly qaýym ókilderi qatysty.
Tusaýkeserdi «Rýhanı jańǵyrý» jobalyq keńsesi Elbasynyń «Rýhanı jańǵyrý» baǵdarlamasynyń «Túrki áleminiń genezısi» jáne «Arhıv-2025» arnaıy jobalary aıasynda uıymdastyrdy.
