Nur-Sultanda «Shyǵys qyrlary» festıvali ótti
«Etnos kúnine» oraı ótkizilgen is-shara jyl boıy uıymdastyrylatyn is-sharalardyń toptamasy. Birneshe jyl qatarynan ótkizilip kele jatqan dástúrli festıval elordada turatyn etnostardyń salt-dástúri men mádenıetin dáripteýge, etnomádenı birlestikterdiń jetistikterin kórsetýge negizdelgen.
Shyǵystyń san qyrly mádenıeti men kóz qyzyqtyratyn sulýlyǵyn, kavkazdyqtardyń aıbyndylyǵyn, eýropanyń talǵampazdyǵyn, slavıandardyń dýmanyn atalmysh festıvalde koreı, bashqurt, tatar, uıǵyr, ózbek, qyrǵyz, kúrd, dúńgen jáne qaraqalpaq etnomádenı ortalyqtary kórsetti.
Qazaqstan – kópultty memleket. Elimizde turyp jatqan barlyq halyqtar teń quqyly jáne ár etnostyń tilin, dilin, dinin, tarıhy men mádenıetin umytpaı, ony saqtap, kóbeıtýge jaǵdaı jasalǵan.
Qazaqstan qoǵamdyq kelisim jáne jalpulttyq birliktiń álemdegi teńdesi joq úlgisin qalyptastyra bildi. Memleketimizde ómir súrip jatqan halyqtar arasynda jyly qarym-qatynas ornaǵan, ózara túsinistik nyǵaıǵan, bir-birimen syılastyqta jáne mádenıeti bite qaınasqan.
Kórermender festıvalde teatrlandyrylǵan qoıylymdar, folklorlyq jáne ulttyq ujymdar ónerin, sonymen qatar ulttyq ánder men bılerdi tamashalady.
Festıval Koreı etnomádenı ortalyǵy ujymynyń kontserttik baǵdarlamasymen bastaldy.
