Nur-Sultanda shyǵaryp salýshylar men kútip alýshylar vokzalǵa kire ala ma

NUR-SULTAN. QazAqparat – Elordanyń «Nurly jol» vokzalyna jolaýshylardy shyǵaryp salýshylar men kútip alýshylar kire ala ma? Bul suraqqa vokzal menedjeri Batyrhan Ábdikárim jaýap berdi, dep habarlaıdy QazAqparat tilshisi.

«Vokzalǵa Ashyq jobasy arqyly mártebesin anyqtaǵan kez kelgen azamat kire alady. Jolaýshylarmen qatar, shyǵaryp salýshylar men kútip alýshy azamattardyń barlyǵyn tek qana Ashyq jobasy arqyly qabyldaıtyn bolamyz», - dedi Batyrhan Ábdikárim.

Aıta ketsek, Ashyq jobasy tústerge sáıkes jumys isteıdi. «Qyzyl» jáne «sary» tústi kórsetken adamdardyń vokzalǵa kirýine ruqsat joq.

Buǵan deıin «Nurly jol» vokzalynyń ókili 17 maýsymda iske qosylatyn Ashyq jobasynyń qalaı júzege asatynyn aıtyp bergen bolatyn.