Nur-Sultanda sholaq ańshy myltyǵyn alyp júrgen jas jigit ustaldy

NUR-SULTAN. QazAqparat – Profılaktıkalyq sharalar júrgizý kezinde polıtseıler túngi ekiler shamasynda Taraz kóshesinen 27 jastaǵy jigitti ustady. Odan sholaq ańshy myltyǵy tárkilendi, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Jas jigittiń aıtýynsha, ol myltyqty beıtanys adamnan satyp alyp, keleshekte bótelkelerdi atyp jattyqpaqshy bolǵan. Oǵan qosa, myltyqty óz erkimen tapsyrmaq ta bolǵan, alaıda ol qarýdy tapsyrǵanǵa deıin polıtsııaǵ ustalǵan.

Mamannyń qorytyndysyna sáıkes, alynǵan qarý – mehanıkalyq tásilmen qysqartylǵan, tehnıkalyq jaǵynan atýǵa jaramdy, bir uńǵyly zaýyttan shyqqan myltyq.

Atalǵan fakti boıynsha ustalǵan azamatqa qatysty qarý men oq-dárilerdi zańsyz saqtaǵany, tasymaldaǵany, alyp júrgeni úshin qylmystyq is qozǵaldy.

Elorda aýmaǵynda atys qarýyn qoldanýmen qylmystardyń aldyn alý jáne jolyn kesý jáne azamattyq, qyzmettik qarý aınalymyna memlekettik baqylaýdy júzege asyrý maqsatynda 17 mamyrdan 16 maýsymǵa deıin «Qarý» jedel-aldyn alý is-sharasy ótkizildi.

Іs-shara qorytyndysy boıynsha aınalymnan barlyǵy 32 zańsyz saqtalǵan qarý men 71 oıyqty qarýdyń oǵy alyndy. Qarý aınalymy erejesin buzǵany úshin tirkelgen qarýdyń 337 birligi tárkilendi.

Іs-shara bastalǵannan beri 15 myń qarý ıesi tekserildi, 104 saqtaý jáne alyp júrý faktisi, 113 qarýdy qaıta tirkeý tártibin buzý faktisi anyqtaldy. Barlyq tártip buzýshylar ákimshilik jaýapqa tartyldy.