Nur-Sultanda sheteldik nómiri bar kólik ıesi adam qaǵyp, qashyp ketti
NUR-SULTAN. QazAqparat – Nur-Sultanda sheteldik nómiri bar avtokólik ıesi áıeldi qaǵyp, oqıǵa ornynan qashyp ketti, dep habarlaıdy QazAqparat.
«12 qarasha kúni shamamen tańǵy 9-da meniń áıelim Katıany sur tústi Lada 15-modeli Kenesary men Imanbaeva kósheleriniń qıylysynda qaǵyp ketti. Oqıǵa avtobýs jolaǵynda jaıaý júrginshiler jolynda bolǵan. Tórt mashına jaıaý júrginshilerge jol bergen, al álgi kólik 100 km/saǵ jyldamdyqpen kelgen jáne oqıǵa ornynan qashyp ketken», - dedi zardap shegýshiniń kúıeýi Vladımır Gashevskıı.
Oqıǵa týraly V. Gashevskıı áleýmettik jelige jazdy.
Onyń aıtýynsha, oqıǵadan áıeldiń murny synyp, mańdaıy qantalap, tize býynyna zaqym kelgen. Qazirgi ýaqytta onyń jaǵdaıy turaqty. Soqqan kóliktiń nómiri reseılik bolǵan.
Sonymen birge, Nur-Sultan qalalyq Polıtsııa departamenti jol-kólik oqıǵasyn rastady jáne avtokólik júrgizýshisiniń anyqtalǵanyn jetkizdi.
«Kenesary men Sh. Imanbaeva kósheleriniń qıylysynda bolǵan jol-kólik oqıǵasy boıynsha júrgizýshiniń anyqtalǵanyn habarlaımyz. Qazirgi ýaqytta ony ustaý jumystary júrip jatyr», - dep jaýap berdi Polıtsııa departamentiniń baspasóz qyzmeti.
