Nur-Sultanda shetel azamattarynyń 800-ge jýyq kóshi-qon zańnamasyn buzý faktisi anyqtaldy
NUR-SULTAN. QazAqparat - Kóshi-qon turaqtylyǵyn odan ári qoldaý, kóshi-qonnyń krımınogendik jaǵdaıǵa qolaısyz áser etý qaýpin azaıtý maqsatynda Nur-sultan qalasynyń polıtsııa departamenti aǵymdaǵy jylǵy 10-17 naýryz aralyǵynda «Mıgrant»jedel-aldyn alý is-sharasyn ótkizýde, dep habarlaıdy QazAqparat Polıtsııa departamentiniń baspasóz qyzmetine silteme jasap.
Tórt kún ishinde astanalyq garnızonnyń qyzmetkerleri sheteldik azamattardyń elge kelý erejesin buzýdyń 774 faktisin anyqtap, halyqaralyq izdeýde júrgen 8 azamatty ustady, onyń ishinde 1-i shetel azamaty.
Esil aýdanynyń polıtseıleri memleketaralyq izdeýde júrgen 42 jastaǵy Ózbekstan Respýblıkasynyń azamatyn ustady. Ol 2021 jyldyń jeltoqsan aıynan bastap Ózbekstan Respýblıkasy Namangan oblysy Іshki ister basqarmasynyń «qamaý» bultartpaý sharasymen izdeýde júrgen.
Sol jyldyń qazan aıynda úıiniń mańyndaǵy aǵashtardy kesip jatqan jerinde kórshisimen janjaldasyp, janjal kezinde oǵan qaıshymen dene jaraqatyn salǵany anyqtaldy.
Qylmystyq qýdalaýdan jasyrynǵan ózbek azamaty Qazaqstan aýmaǵyna qashyp ketken. Elordada sheteldik azamat elordadaǵy qonaqúılerdiń birinde aspaz bolyp jumys istegen. Qazirgi ýaqytta er adam odan ári Ózbekstan Respýblıkasyna ekstradıtsııalaý úshin PD-niń ýaqytsha ustaý ızolıatoryna qamaldy.
