Nur-Sultanda shańǵy bazasy salynady
NUR-SULTAN. QazAqparat –Nur-Sultan qalasy dene shynyqtyrý jáne sport basqarmasynyń basshysy Samat Jylqybaev «Astana Park» qonaqúıiniń jertólesinde jattyǵyp júrgen shańǵyshylardyń máselesi qalaı sheshiletinin aıtty, dep habarlaıdy QazAqparat tilshisi.
«Keıingi jyldary bizde shańǵy bazasyna baılanysty úlken másele qalyptasyp otyr. Ózimizdiń bazamyz bolǵan joq. «Astana park» jeke menshik nysan bolǵandyqtan, bizge jalǵa berip keldi. Ol baza shańǵy sportyna mamandanbaǵandyqtan, sportshylarǵa jaǵdaı jasalmaǵan. Bul másele ákimdik deńgeıinde kóterildi, arnaıy jer telimi bólinetin boldy. Jobalyq-semtalyq qujattamaǵa jobasyn usyndyq. Kelesi 2023 jyly bizdiń óz shańǵy bazamyz bolady dep oılaımyn», - dedi basqarma basshysy.
Aıtýynsha, astanaǵa bir ǵana shańǵy bazasy azdyq etedi.
«Orny áli naqtylanǵan joq. Negizi jańadan ondaı nysan salý úshin ýaqyt kerek. Bir ǵana baza az bolady. Óıtkeni bul buqaralyq sport túrine jatady. Qysta jyl saıyn «Burqasyn» maýsymyn ashamyz. Shańǵy sporty astanamyzda jaqsy damyp keledi. Sportshylarymyz chempıonattarda sátti óner kórsetip júr», - dedi Samat Jylqybaev.
Foto: www.xxl.no
