Nur-Sultanda Saraıshyq kóshesi 2 tamyzǵa deıin jabylady

NUR-SULTAN. QazAqparat - Kólik júrgizýshileri kepteliske túspeýi úshin jol júrý baǵytyn aldyn-ala josparlaýy qajet, dep habarlaıdy QazAqparat elorda ákimdiginiń resmı saıtyna silteme jasap.

Qalalyq kólik jáne jol-kólik ınfraqurylymyn damytý basqarmasynyń habarlaýynsha, Saraıshyq kóshesi boıyndaǵy Qarasaqal Erimbet kóshesinen Jıembet jyraý kóshesine deıingi ýchaskede jol-qurylys jumystaryn júrgizý josparlanǵan.

Osyǵan baılanysty 26 shilde men 2 tamyz aralyǵynda osy ýchaskedegi jol qozǵalysy toqtatylady.

Sondyqtan qala turǵyndary men qonaqtary jolda keptelis bolmas úshin óz baǵyttaryn aldyn ala josparlaǵany jón.

«Qolaısyzdyq úshin keshirim suraımyz jáne jóndeý jumystaryn júrgizýge túsinistikpen qaraýdy ótinemiz» delingen habarlamada.