Nur-Sultanda sanıtarlyq normalardy saqtamaǵan birqatar nysan jabyldy
NUR- SULTAN. QazAqparat – Elorda ákimdiginiń mobıldi toby polıtseıler jáne epıdemıolog mamandarmen birlesip, sanıtarlyq normalardy buzǵan nysandardy anyqtaý úshin kún saıyn reıd júrgizýde, dep habarlaıdy QazAqparat qala ákimdiginiń resmı saıtyna silteme jasap.
Mamyrdyń 21-26 aralyǵynda 150 kásiporyn tekserildi. Sanıtarlyq normalardy buzǵan 12 nysan jabyldy. Dámhana, meıramhana, bar, azyq-túlik dúkeni, spa-salon jáne t.b. «Brýno», «Roofork» jáne t.b. sııaqty birqatar nysanǵa aıyppul salyndy. Jumysyn qaıta bastaǵan nysandar sanıtaızerler ornatyp, qyzmetkerleri men kelýshileri maska kıip, ara qashyqtyqty ustaný sııaqty sanıtarlyq normalardy saqtaýy tıs.
Eske sala keteıik, 18 mamyrdan bastap qonaqúı keshenderi, qoǵamdyq tamaqtaný oryndary, dámhanalar, meıramhanalar, dinı qulshylyq etý oryndary (kelýshileri bir mezgilde 50-den aspaıtyn) jumysyn qaıta bastady. Otbasylyq jáne basqa da is-sharalardy ótkizýge tyıym salynady. Sanıtarlyq dárigerdiń qaýlysymen COVID-19 indeti tolyqtaı joıylmaıynsha túngi klýb, fıtnes klýb, jattyǵý zaldary, spa salondar, massaj kabınetteri, kosmetologııalyq ortalyqtar, klınıkalar, ortalyqtar jáne t.b. jumysyna tyıym salyndy. Buǵan deıin sanıtarlyq talaptardy buzǵan 26 nysan jabyldy. Onyń ishinde qurylys kompanııalary, dúkender, dámhanalar men meıramhanalar bar. Bul nysandar sanıtarlyq-epıdemıologııalyq normalardyń qatań saqtalýyn qamtamasyz etpeıinshe jabyq bolady. 150 kásiporyn eskertý aldy. Mundaı qatań sharalar koronavırýstyń talaýyna jol bermeý úshin qabyldandy.
Aıta keterligi, elordada maska taǵý rejımi saqtalýda. Halyq kóp júretin jerler men qoǵamdyq kólikterde maskamen júrý kerek.
