Nur-Sultanda sanıtarlyq normalardy saqtamaǵan 52 nysan jabyldy

NUR-SULTAN. QazAqparat - Nur-Sultanda 1-3 maýsym aralyǵynda sanıtarlyq talaptardy saqtamaǵany úshin 130-ǵa jýyq nysan jabyldy, dep habarlaıdy QazAqparat qalalyq ákimdikke silteme jasap.

3 maýsymda monıtorıng aıasynda 150 nysan tekserilip, onyń 52-si jabyldy. Jabylǵan nysandardyń ishinde dámhanalar, meıramhanalar, barlar (kalıan usynǵany úshin), sulýlyq salondary, kólik jýý jáne basqa obektiler bar.

Ákimdiktiń mobıldi toby polıtseıler jáne epıdemıologtarmen birge kún saıyn reıd júrgizedi.

Buǵan deıin sannormalardy saqtamaǵany úshin jabylǵan nysandar qatań eskertýden keıin sanıtarlyq-epıdemıologııalyq normalardyń qatań saqtaı otyryp jumysyn qaıta bastady. Mundaı qatań shara koronavırýstyń taralýyna jol bermes úshin qabyldandy.

Elordada maska taǵý rejımi áli de saqtalýda. Avtobýstar, dúkender jáne basqa da adam kóp jınalatyn jabyq jerlerde maska kıip, araqashyqtyq saqtap, antıseptıkti paıdalaný qajet.

Turǵyndar sanıtarlyq-epıdemıologııalyq normalardy saqtamasa, qalada kúsheıtilgen karantın rejımin engizýge týra keledi.