Nur-Sultanda pyshaq ustaǵan er adam kóshedegi adamdardy qorqytqan
NUR-SULTAN. QazAqparat – Elordadaǵy Ulttyq ulan áskerı bóliminiń sarbazdary sýyq qarýmen adamdardy qorqytqan tártip buzýshyny ustady, dep habarlaıdy QazAqparat Polisia.kz-ke silteme jasap.
14 mamyrda qoǵamdyq tártipti saqtaý boıynsha qyzmet atqarý barysynda Ulttyq ulan 5573 áskerı bóliminiń áskerı jasaǵy úı aýlasynan aıqaılaǵan daýystardy estigen. Áskerı jasaq bastyǵy Nurdáýlet Baltabaev patrýldegi Ivan Dýshenın men Nurlan Bısenqulovpen birge aýlaǵa baryp, as úı pyshaǵan ustaǵan er adamnyń kóshedegi adamdardy qorqytyp jatqanyn kórgen.
Áskerı qyzmetshiler tártip buzýshyny tynyshtandyrmaq bolǵan. Alaıda, ol tártip saqshylarynyń zańdy talabyna qulaq aspaǵan. Keıin áskerı qyzmetshiler kúsh qoldanyp, tártip buzýshyny ustady.
Ulttyq ulan sarbazdary patrýldik top bastyǵyna oqıǵa týraly habarlaǵan. Ol oqıǵa ornyna kelip, mán-jaıdy anyqtaý úshin tergeý-jedel tobyn shaqyrǵan.
1998 jylǵy zań buzýshy Saryarqa aýdandyq polıtsııa bólimine jetkizildi.
