Nur-Sultanda PTR zerthanalarynyń sany artty

NUR-SULTAN. QazAqparat - Elordada PTR testileýdi ótkizý úshin táýligine 12 myńnan astam zertteý júrgizetin 23 zerthana jumys isteıdi. Bul týraly Qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy qala ákimdiginiń resmı saıty.

«Jalpy sany 2100 adamnan turatyn kadrlyq rezerv qalyptastyryldy. Koronavırýs ınfektsııasy bar naýqastardy dıagnostıkalaý jáne emdeý boıynsha medıtsınalyq qyzmetkerlerdi oqytý júrgizildi. Súzgi-kabınetter óz jumysyn jalǵastyrýda, patsıentterdi qashyqtan baqylaý kúsheıtildi», - dedi T.Muratov.

Ol sondaı-aq ókpeniń jasandy jeldetkishi, KT, rentgen apparattary jetkilikti, ottegi rezervýarlary men shamdar ornatylǵanyn aıtty.