Nur-Sultanda PTR testileý kólemin arttyrýǵa metsenattar kómektesip jatyr
NUR-SULTAN. QazAqparat – Nur-Sultanda PTR testileý júrgizý kólemi artady. Bul týraly Nur-Sultan qalasynyń ákimi Altaı Kólginov aıtyp berdi, dep habarlaıdy QazAqparat tilshisi.
«Jedel testileýge óte kóp shaǵym túsetin sátter de boldy. Qazir bizdiń medıtsınalyq qyzmetkerler qosymsha oqýdan ótti. Qosymsha zerthanalar tartyldy. Eger karantın basynda bir ǵana zerthana jumys istese, qazir olardyń sanyn 8-ge jetkizdik. Sonymen birge, bizge metsenattar da kómektesip jatyr. Karantın basynda táýligine 300 test ǵana júrgizilse, qazir bir táýlikte 5 myń test jasalady jáne bul kólemdi arttyrý jumystary jalǵasady», - dedi qala ákimi Ortalyq kommýnıkatsııalar qyzmetinde ótken brıfıngte.
Aıta keteıik, Nur-Sultanda koronavırýs ınfektsııasyn juqtyrǵan 61 adam qaıtys boldy.
Sonymen birge, elorda aýrýhanalaryna 200 ókpe jeldetý apparaty men 500 floýmetrge tapsyrys berildi.
