Nur-Sultanda PTR-testiler men ókpeni jeldetý apparattary qosymsha satyp alynady
NUR-SULTAN. QazAqparat - Nur-Sultanda PTR-testiler, ókpeni jasandy jeldetý jáne kompıýterlik tomografııa apparattary qosymsha satyp alynady, dep habarlaıdy QazAqparat.
«Búgin elorda ákimi Altaı̆ Kólginov QR Densaýlyq saqtaý mınıstriniń mindetin atqarýshy Lázzat Aqtaevamen, jaýapty hatshy Botagóz Jaqselekovamen, vıtse-mınıstr Lıýdmıla Bıýrabekovamen, sondaı̆-aq zerthanalardyń, «SK-Farmatsııa» kompanııasynyń ókilderimen, sanıtarlyq dárigerlermen onlaı̆n-keńes ótkizdi. Ákimdik pen Densaýlyq saqtaý mınıstrligi Jol kartasyn bekitti», - delingen elorda ákimdiginiń Instagram-daǵy paraqshasynda.
Málim etilgendeı, ınfektsııany juqtyrǵandarǵa ýaqtyly kómek kórsetý úshin qala aýrýhanalarynda qosymsha 720 oryn daı̆yndaldy. Áskerı gospıtal jáne ózge de medıtsınalyq mekemeler statsıonar retinde jasaqtalady.
112 myńnan astam jeke qorǵaný quraldary satyp alyndy.
Sonymen birge osy aı̆da statsıonarlarǵa ókpeni jasandy jeldetetin 30 apparat jetkiziletin bolady. Keıin qosymsha taǵy 200 apparat satyp alynady.
«Sonymen qatar PTR-testileý boı̆ynsha mobıldi top qurylady. Densaýlyq saqtaý basqarmasy PTR-testilerdi jınaý jáne óńdeý boı̆ynsha zerthanalarda jumys isteý úshin medıtsınalyq qyzmetkerlerdi oqytady.
Elorda ákimi Altaı̆ Kólginov koronavırýsqa qarsy kúreste qoldanylatyn medıtsınalyq preparattar men jabdyqtardyń qoryn der kezinde tolyqtyrý qajettigin atap ótti», - delingen aqparatta.
