Nur-Sultanda polıtseıler «granatasy» bar mas adamdy ustady
NUR-SULTAN. QazAqparat – Qala mańaıyndaǵy aýyldyń turǵyny «102» nómirine habarlasyp, óziniń qonaı úıde ekenin jáne qolynda granatasy bar jaldamaly kisi óltirýshi ekenin málimdegen, dep habarlaıdy QazAqparat elordalyq PD-niń baspasóz qyzmetine silteme jasap.
Tekseris barysynda polıtsııa qyzmetkerleri qaýipti jáne tyıym salynǵan zattardy tappaǵan. Jedel-izdestirý sharalary kezinde granata týraly habarlaǵan adam ustaldy. Ol mas kúıdegi 40 jastaǵy er adam bolyp shyqty.
Tergeý barysynda kúdiktiniń buryn birneshe ret sottalǵany jáne polıtsııada tirkeýde turǵany anyqtaldy.
Aıtýynsha, ol qonaq úıde tanys áıelmen ishimdik ishken. Áıeldiń aldynda óz-ózin kórsetý úshin polıtsııaǵa habarlasyp, jaýyngerlik granata týraly aıtqan.
Atalmysh fakti boıynsha jalǵan aqparat taratqany úshin kúdiktige qatysty QR QK-niń 274-babyna sáıkes qylmystyq is qozǵaldy.
Elorda polıtseıleri jalǵan aqparat taratqany úshin qylmystyq jaýapkershilik qarastyrylatyny týraly azamattardyń esine salady.
