Nur-Sultanda polıtseıler esirtki tasymalynyń jolyn kesti
Esirtki ótkizgen kúdikti ustaldy, dep habarlaıdy QazAqparat Nur-Sultan PD baspasóz qyzmetine silteme jasap.
Jedel-izdestirý sharalary barysynda elorda aýmaǵynan 27 jastaǵy M. esimdi azamat ustaldy.
Onyń turatyn jerin tekserý barysynda salmaǵy 3000 dozalyq gashısh tabyldy. Kúdikti esirtkini elorda aýmaǵynda ótkizbek bolǵan.
Polıtseılerdiń atap ótýinshe, qara naryqtaǵy tárkilengen atalǵan esirtki partııasynyń quny 5 mln teńgeden asady.
Azamat M. ýaqytsha ustaý oqshaýlaǵyshyna qamaldy. QR QK 297-baby boıynsha sotqa deıingi tergeý júrip jatyr.
Polıtseıler jyl basynan beri elorda aýmaǵynda 81 esirtkimen baılanysty zań talaptaryn buzý áreketin anyqtady. 20 keli túrli esirtki zańsyz aınalymnan shyǵaryldy.
Nur-Sultan qalalyq polıtsııa departamenti eskertedi: esirtki quraldarymen baılanysty qylmys úshin ómir boıyna deıin bas bostandyǵynan aıyrý jazasy qarastyrylǵan.