Nur-Sultanda Pavlodar oblysynyń aýylsharýashylyq jármeńkesi ótedi
PAVLODAR. QazAqparat - Pavlodar oblysynyń aýylsharýashylyq ónimderin óndirýshiler 14 jáne 15 qyrkúıek kúnderi elordada jármeńke ótkizedi, dep habarlaıdy QazAqparat.
Pavlodar oblysy ákiminiń baspasóz qyzmetinen málim etkendeı, jármeńkege óńirdegi 80-nen astam qaıta óńdeý kásiporyndary men aýyl sharýashylyǵy qurylymdary qatysady. Olardyń ishinde «Rýbıkom» JShS, «Mol-Kom» JShS, «Smak» JShS, «KEMMI» JShS, «Saǵyp» ShQ, «Galıtskoe» JShS, «Krendel» JShS jáne «Aqjar-Óndiris»JShS bar.
Aýyl sharýashylyǵy basqarmasy basshysynyń orynbasary Tólegen Kósherbaevtiń aıtýynsha, barlyǵy 160 mıllıon teńgeden astam somaǵa 500 tonna ónim usynylady.
«Bizdiń ónimimiz elorda turǵyndary arasynda úlken suranysqa ıe jáne tájirıbe kórsetip otyrǵandaı, pavlodarlyq taýardy asyǵa kútýde. Jalpy satýǵa 60 tonnadan astam et jáne et ónimderi, 20 tonna sút, 35 tonna bakaleıa ónimderi, sondaı-aq 240 tonna kartop jáne 145 tonna kókónis pen baqsha daqyldary ákelinedi», – deıdi Tólegen Kósherbaev.–
Jármeńke «Han Shatyr» SOO janyndaǵy alańda ótedi. Pavlodar oblysynyń óndirýshileri qazan aıynda elordaǵa taǵy bir márte kelýdi josparlap otyr.
