Nur-Sultanda otqa oranǵan qonaq úıden 3 bala qutqaryldy
NUR-SULTAN. QazAqparat - Elordalyq órt sóndirýshiler ot sharpyǵan ǵımarattan 4 adamdy qutqardy, dep habarlaıdy QazAqparat.
Qalalyq tótenshe jaǵdaılar departamenti taratqan málimetke sensek, 9 jeltoqsan kúni saǵat 18:14 shamasynda elordalyq órt sóndirý qyzmetiniń «101» pýltine Almaty aýdany Buqtyrma, 38 mekenjaıynda ornalasqan 3 qabatty qonaq úı kesheninde órt shyqqany týraly habar túsken.
Tilsiz jaý keshenniń jertólesinde ornalasqan saýnadan shyqqan.
Órt sóndirý barysynda qutqarýshylardyń úılesimdi ári jedel jumysynyń arqasynda 4 adam, onyń ishinde 3 bala qutqarylyp, 7 adam evakýatsııalandy.
Jalyn sharpyǵan aýmaq 80 sharshy metrdi quraǵan.
Órttiń sebepteri anyqtalyp jatyr.
Bul jumysqa elordalyq TJD 6 tehnıkasy men jeke quramynan 27 adam jumyldyrylǵan.
