Ondaǵy málimetterge sáıkes, Memlekettik akademııalyq fılarmonııa 27 sáýir kúni №61 mektep-lıtseıde «Qorqyt» etno-ansambliniń «Ǵasyrlar úni» atty qaıyrymdylyq kontsertin ótkizedi.

M. Gorkıı atyndaǵy Memlekettik akademııalyq orys drama teatry osy aptada tórt qoıylym kórsetedi. 26 sáýirde N.Gogoldiń «Jenıtba» komedııasy, kúndiz G.Gorınniń «KIN IV» tragıkomııalyq astarly áńgimesi qoıylady. Al 30 sáýir kúni saǵat 11:00-de M.Bartenevtiń «Snegýrýshka» ertegisin, sol kúni keshke R.Baerdiń «Smeshannye chývstva» melodramasyn kórýge bolady.

«Jastar» teatrynyń repertýarynda osy aptada 4 qoıylym bar. 26 sáýirde B.Bekjanovtyń «Ómir» dramasy, 27 sáýirde T.Mınýllınniń «Dılıafrýzdyń tórt kúıi» komedııasy kórsetiledi. 28 sáýir kúni saǵat 11:00 jáne 14:00-de búldirshinderge «Ur toqpaq» atty qazaq halyq ertegisi kórsetiledi. Al 29-30 sáýirde Q.Júnisovtyń «Prank-Mahabbat» komedııasy qoıylady. Elordalyq qýyrshaq teatrynda 29 sáýir kúni saǵat 16:00-de jáne 30 sáýir kúni saǵat 12:00-de, 14:00-de jáne 16:00-de E.Jýasbektiń «Ǵajaıyp arman» ertegisin tamashalaýǵa bolady», - delingen habarlamada.

«Naz» memlekettik bı teatry qonaqtardy 29 sáýir kúni saǵat 17:00-de Halyqaralyq bı kúnine arnalǵan «Nurǵısa» horeografııalyq spektakline shaqyrady. Sol kúni (saǵat 11:00-de) ártister Qazaqstan halqynyń birligi kúnine arnalǵan «Yntymaǵy jarasqan – Qazaqstan» kontsertinde óner kórsetedi.

NOMAD City Hall sahnasynda 30 sáýir kúni saǵat 19:00-de «Altyn sharshy» spektakli kórsetiledi.

Mýzykalyq jas kórermen teatry 28 sáýirde «Abaı-Toǵjan» mýzykalyq dramasymen ashylady. Tústen keıin kórermenderge «Dúnıe-ǵasyr» metafızıkalyq dramasy jol tartady, al 1 mamyr kúni «Shámshi» mıýzıkli kórsetiledi.

30 sáýir men 1 mamyr kúnderi astanalyq tsırk manejinde kóktemgi tsırk baǵdarlamasy ótedi.

«25 sáýirde qalanyń Birikken mýzeıler dırektsııasy men «ALJIR» memorıaldy-murajaı kesheni áleýmettik jelilerde «Saıası zobalań tolqyndary» atty onlaın dáris ótkizedi. 27 sáýirde sol platformalarda «Jızn, prervannaıa lojıý» kórmesi jarııalanady.

Sáken Seıfýllın murajaıy 25 jáne 28 sáýirde áleýmettik jelilerdegi akkaýnttarynda dástúrli beıneekskýrsııa ótkizedi, al 26 sáýirde «Úsh báıterek» aıdarynan beınerolık jarııalaıdy. 29 sáýirde munda «Baqyt jolynda» atty onlaın-fotokórme ótedi. Sondaı-aq Birikken mýzeıler dırektsııasynyń betterinde «Qazybek bıge - 355 jyl» dárisin tyńdap, «Qazaqstannyń uly qolbasshylary» onlaın-sabaǵyn kórýge bolady», - dep jazylǵan habarlamada.

Ortalyqtandyrylǵan kitaphanalar júıesi osy aptada kóptegen is-sharalar daıyndady. 29 sáýir men 3 mamyr aralyǵynda №5 balalar kitaphanasynda «Óner baqshasynyń bulbuly» atty taqyryptyq sóre jumys isteıdi. 25 sáýirde №2 balalar kitaphanasy «Sypaıylyq eline saıahat» taqyrybynda dáris ótkizedi, al kúndiz №2 buqaralyq kitaphanada «Qazaqstan Eltańbasynyń avtory - Shot-Aman Ýálıhan» atty kitap kórmesin uıymdastyrady. 27 sáýirde №5 buqaralyq kitaphanada «Flora» jabyq ósimdikter gúl ósirýshiler klýby jınalady, 28 sáýirde №9 buqaralyq kitaphana «Parasat joly» baǵdarlamasy aıasynda «Biz birgemiz jáne tatýmyz» atty sholý-suhbatqa shaqyrady. Kúndiz №5 balalar kitaphanasynda «Biz - bir halyqpyz, bir elmiz» atty ádebı saǵat, al № 8 balalar kitaphanasynda dóńgelek ústel ótedi. 30 sáýir kúni № 5 buqaralyq kitaphanada «Pýt k ýspehý» iskerlik ádebıet áýesqoılary klýbynyń qatysýshylarynyń kezdesýi ótedi.

«Jastar» saraıy 28 sáýirde elordalyq fılarmonııa zalynda kontserttik baǵdarlama uıymdastyrady.