Nur-Sultanda órt qaýipsizdigin jıi buzatyn nysandar ataldy
NUR-SULTAN. QazAqparat – Nur-Sultan qalasynda órt qaýipsizdigi erejesin saqtaı qoımaıtyn nysandar belgili boldy, dep habarlaıdy QazAqparat tilshisi.
«Memlekettik deńgeıde bekitilgen tártipke sáıkes ǵımarattar órt qaýpi joǵary jáne tómen dep bólinedi. Órt qaýpi joǵary nysandar qataryna bilim berý, densaýlyq saqtaý uıymdary, iri kásiporyndar taǵy sol sııaqty mekemeler jatady. ıAǵnı ǵımaratta adam kóp bolsa jáne onyń aýmaǵy úlken bolsa demek órttiń bolý qaýpi de joǵary. Al eger ǵımarattyń jalpy kólemi 1,5 sharshy metrden az bolsa, onda biz ol mekemeniń órt qaýipsizdigin teksere almaımyz. Ol degenimiz shaǵyn ashana, káýaphana, dúken jáne dúńgirshekter. Ókinishke qaraı, atalǵan nysandardyń ıeleri órt qaýipsizdigi erejesin buzyp jatady. Biz olardyń ıelerine tek órt qaýipsizdigin ustaný kerektigi týraly keńes bere alamyz», - dedi Nur-Sultan qalasy tótenshe jaǵdaılar departamenti memlekettik órt baqylaý basqarmasynyń basshysy Erkin Otarǵalymuly elorda ákimdiginde onlaın ótken baspasóz máslıhatynda.
Sondaı-aq, spıker shaǵyn ǵımarattardyń órt qaýipsizdigin nelikten memlekettik organdardyń teksere almaıtyndyǵyna qatysty túsinik berdi.
«Memleket shaǵyn jáne orta bıznestiń damyǵanyn qalaıdy. Sondyqtan olarǵa túsetin salmaqty azaıtyp jatyr. ıAǵnı túrli tekserister men baqylaýdy azaıtýda. Sonyń ishinde órt qaýipsizdigi de bar. Biraq, kásipker qaýipsizdik máselesi óz moınynda ekenin umytpaǵan jón», - deıdi ol.
Buǵan deıin bıyl elordada 5 adam órt saldarynan qaza tapqanyn habarlaǵan edik.
