Nur-Sultanda oqshaýlaný talaptaryn buzǵandar qansha aıyppul tóleıdi
«Ókinishke qaraı, kóp adamdar qaýipsizdik sharalaryn tıisti deńgeıde saqtaı bermeıdi. Eskertý men jazalaý sharalaryna qaramastan, keıbir elordalyq mekemeler sanıtarlyq normalar men karantın talaptaryn eskermeıdi, keıbir kásipkerlik nysandary jasyryn jumys isteýdi jalǵastyryp jatyr», - dedi S. Beısenova elorda ákimdiginde ótken brıfıngte.
Spıkerdiń aıtýynsha, bıylǵy 20 mamyrdan bastap monıtorıng toptary 7215 nysandy tekserdi, 251 nysanda karantın rejımin buzý faktileri anyqtaldy, onyń ishinde qoǵamdyq tamaqtaný nysandary kóp.
«Ashyq jobasy engizilgen sátten bastap qatysýshy nysandarda úı karantınin buzǵan 8518 kelýshi anyqtaldy. Onyń ishinde 5065 adam «qyzyl» mártebemen, 3453 adam «sary» mártebemen kirýge tyrysqan. Onyń ishinde, 11 maýsym men 3 tamyz aralyǵynda úı karantınin buzǵan 4847 kelýshi anyqtaldy», - dep atap ótti spıker.
Sonymen birge, úı karantınin buzǵan «qyzyl» mártebesi bar kelýshilerge qatysty QR ÁQBtK 425-babynyń 1-bóligi boıynsha 32 hattama jasaldy jáne «sary» mártebesi bar adamdarǵa sanıtarııalyq-epıdemııaǵa qarsy (profılaktıkalyq) is-sharalar júrgizý týraly 99 qaýly berildi.
«ıAǵnı, eger karantındegi naýqas adam sanıtarlyq-epıdemıologııalyq talaptardy saqtamasa, ózin-ózi oqshaýlaý rejımin buzsa jáne aınalasyndaǵylarǵa qasaqana juqtyrý qaýpin týdyrsa, zańǵa sáıkes oǵan 30 AEK nemese 87 510 teńge mólsherinde ákimshilik aıyppul salynady» - dep túıindedi S.Beısenova.
