Nur-Sultanda naızaǵaı oınap, burshaq jaýady
NUR-SULTAN. QazAqparat - «Qazgıdromet» RMK boljaýynsha, 18 mamyr kúni elordada tanerteń jáne kúndiz naızaǵaı jarqyldap, burshaq jaýady. Osyǵan baılanysty Nur-Sultan qalalyq tótenshe jaǵdaılar departamenti turǵyndarǵa eskertý jarııalady, dep habarlaıdy QazAqparat.
Naızaǵaı, burshaqpen qosa, elordada ońtústik-batystan jel soǵyp, onyń ekpini 15-20 m/s deıin kúsheıedi. Osyǵan baılanysty tótenshe jaǵdaılar departamenti aýa raıy qolaısyz kezde birqatar saqtyq sharalaryn saqtaýǵa shaqyrady.
Qatty jel, naızaǵaı men burshaq jaýǵanda:
- múmkindiginshe aýa-raıynyń qolaısyzdyǵyn irgeli qurylys nysandarynda tosa turǵan jón;
- kóshede baǵandardan, aǵashtardan, jarnamalardan, symdardan alys júrýge tyrysyńyz;
-páter men úılerde barlyq terezelerdi nyq jabyńyzdyr;
- jeke avtokóligińizdi aǵashtar men eski qurylystardan alys qoıyńyz; Naızaǵaı men qatty nóser joldyń kórýine kedergi bolyp, naızaǵaı júrgizýshige áser etip jol-kólik oqıǵasyna ákep soqtyrýy múmkin.
- naızaǵaı kezinde sý qoımalarynda sýǵa shomylýǵa jáne balyq aýlaýǵa bolmaıdy;
- oryn-jaılarda terezeden alshaq bolyp, elektroquraldardy qoldanbaýǵa tyrysyńyz, burshaq sońy naızaǵaıǵa ulasýy múmkin.
«Tótenshe jaǵdaı týyndaǵan jaǵdaıda «112» nómirine qońyraý shalyńyz» deıdi TJD baspasóz qyzmeti.
