Nur-Sultanda Naýryz meıramyna oraı 100-den astam is-shara ótedi
Nur-Sultan qalasynyń ákimdigi QazAqparat tilshisine Naýryz merekesinde elordada qandaı sharalar ótetini týraly aqparat berdi.
Ákimdik málimeti boıynsha, Naýryz merekesine oraı qalada 100-den astam is-shara ótedi.
«Qala turǵyndary kontsertterge, merekelik baǵdarlamalarǵa, kórmelerge, qoıylymdarǵa, ulttyq sport túrleri boıynsha jarystarǵa, serýenge jáne t.b. qatysa alady», -dep jazylǵan ákimdiktiń joldaǵan jaýabynda.
18-19 naýryzda qalada áleýmettik az qamtylǵan, kópbalaly otbasylarǵa, jalǵyz basty qart adamdarǵa jáne halyqtyń áleýmettik osal toptarynyń basqa da sanattaryna azyq-túlik sebetterin taratý josparlanýda.
Sonymen qatar, 19 naýryz kúni saǵat 11:00-de elordanyń Dostyq Úıi alańynda Qazaqstan halqy Assambleıasy qala turǵyndary úshin «Qosh keldiń, áz Naýryz!» is-sharasyn ótkizedi. Qonaqtardy kontserttik baǵdarlama, qoldanbaly óner boıynsha master-klastar, jármeńke jáne ulttyq sporttyq oıyndar boıynsha jarystar kútedi.
Dostyq úıinde kıiz úıler men altybaqan ornatylyp, naýryz kóje daıyndalady. Kıiz úılerdiń ishinde elordalyq etnomádenı birlestikterdiń ulttyq naqyshtaǵy ekspozıtsııalary qoıylady. Sondaı-aq, árbir kıiz úıde qoldanbaly óner boıynsha sheberlik synyptary kórsetiledi.
Saǵat 12.00-de «Buqa tartys», «Asyq atý», «Gir kóterý», «Qazaqsha kúres», «Qol kúres» sııaqty ulttyq sport jarystarts bastalady. Jarys jeńimpazdaryna aqshalaı syılyqtar beriledi.
Elordanyń etnomádenı ortalyqtary, kásibı, kórkem ujymdary kontserttik baǵdarlama usynbaq.
18-31 naýryz aralyǵynda qýyrshaq teatry «Naýryz-dýman» qýyrshaqtar shoýyna shaqyrady. Qoıylymdardyń bastalý ýaqyty: 10:00, 12:00, 14:00 jáne 16:00.
Qalanyń ortalyqtandyrylǵan kitaphana júıesi de merekeden tys qalǵan joq. Qalalyq kitaphanalar kún saıyn Naýryz meıramyna oraı is-sharalar ótkizedi.
19 naýryzda № 3 buqaralyq kitaphanada «Ulystyń uly kúni Naýryz» áńgime-oıynyn, №2 buqaralyq kitaphanada «Nur sebele – Ulystyń uly kúni» merekelik keshin, №10 buqaralyq kitaphanada «Qazaqsha stıldegi defıle» tarıh saǵatyn, №15 buqaralyq kitaphanada «Ulystyń uly kúni – Áz Naýryz!» kitap kórmesin uıymdastyrý josparlanýda.
«Sáken Seıfýllın murajaıy osy aptada áleýmettik jelilerde Naýryz meıramy men Qazaq ulttyq dástúrlerine arnalǵan onlaın-is-sharalar ótkizedi», - dep jazady ákimdik mamandary.
Jospar boıynsha Naýryz meıramyn qalanyń tórt aýdanyndaǵy 20-dan astam orynda toılaý kózdelip otyr.
22 naýryzda saǵat 11:00-den 15:00-ge deıin barlyq aýdanda, sonyń ishinde elordanyń eldi mekenderinde «Naýryz Dýman 2022» mádenı-buqaralyq is-sharalar uıymdastyrylady.
«Іs-sharada vedomstvolyq baǵynysty uıymdardyń ártisteri men shyǵarmashylyq ujymdardyń qatysýymen kontserttik baǵdarlamasy, túrli kostıým kıgen keıipkerler men qýyrshaqtar shoýynyń baǵdarlamasy qarastyrylǵan. Sondaı-aq, jınalǵan jurt ulttyq sport túrleri boıynsha jarystarǵa qatysa alady, onyń ishinde – arqan tartý, asyq atý, toǵyz qumalaq jáne t.b. Bul kúni merekeniń basty belgisi – Naýryz kóje ulttyq taǵamy da jurtshylyqqa taratylady», - deıdi ákimdik ókilderi.
Almaty aýdanynda merekelik is-shara «Qazaq Eli» monýmenti alańynda, «Stýdentter» saıabaǵynda, Baıqońyr aýdanynda – «Atatúrik» saıabaǵynda, Jazýshylar alleıasynda, Esil aýdanynda – EKSPO aýmaǵynda jáne Úrker eldi mekeninde, Saryarqa aýdanynda – «Kóktal» saıabaǵynda jáne Demalys Promenade alańynda ótedi.
Naýryz dýmany elordada 25 naýryzǵa deıńn jalǵasatyn túri bar. Sebebi 25 naýryzda elordanyń Memlekettik Akademııalyq fılarmonııasynda «Naýryz syıy» Ulttyq syılyǵynyń qorytyndy sharasy ótedi.
Sonymen qatar, 18-22 naýryz aralyǵynda Arnasaı kóshesi, 109 boıyndaǵy saýda pavılonynyń aýmaǵynda Naýryz merekesine oraı úlken aýyl sharýashylyǵy jármeńkesi uıymdastyrylady. Bul jerden turǵyndarizdegen ónimin bazar baǵasynan 15% arzanǵa satyp ala alady.
