Nur-Sultanda myńnan asa stýdentke oqý aqysyn tóleý merzimi uzartyldy
Nur-Sultan qalalyq bilim basqarmasynyń basshysy Sholpan Qadyrova málim etkendeı, qazirgi ýaqytta kolledjder Platonus, Google Classroom, Edupage platformalary boıynsha jumys júrgizip jatyr. Oqý protsesi belgilengen oqý júktemesine, oqý jumys josparyna, oqý baǵdarlamalaryna, sabaq kestesine sáıkes júzege asyrylady.
«Bilim alýshylarǵa memlekettik stıpendııa aı saıyn tólenýde jáne tólem kartochkalaryna tamaqtaný úshin aqsha aýdarylýda. Kolledjderdiń 22661 stýdenttiń basqa qalada turatyn 9172-i (40,5 paıyzy) turǵylyqty jerine jiberildi. Búgingi tańda kolledjderdiń jataqhanasynda jetim jáne ata-anasynyń qaraýynsyz qalǵan 50 stýdent qalyp, oqýlaryn jalǵastyrýda. Basqarma tarapynan ol balalarǵa áleýmettik kómek kórsetilip jatyr», - dedi Sholpan Qadyrova búgin ótken baspasóz máslıhatynda.
Basqarma basshysynyń aıtýynsha oqý quny mamandyq túrine baılanysty jylyna 320 myń teńgege deıingi qarajatty quraıdy.
«Oqý aqysyn tóleı almaıtyn stýdentterdiń jalpy sany 1015 adamdy qurady. Búgingi tańda kolledj ákimshiligine ótinish bildirgen barlyq stýdentke oqý aqysyn tóleý merzimi aǵymdaǵy jyldyń tamyz aıyna deıin uzartyldy», - dedi ol.
