Nur-Sultanda myńnan asa adam qarjy pıramıdasynyń qurbany boldy
NUR-SULTAN. QazAqprat – Elordada «Astana Raýshan kassa aınalymy» atty qarjy pıramıdasynyń zańsyz qyzmetiniń joly kesildi. Bul týraly QazAqparat Qarjy monıtorıngi komıtetine silteme jasap habarlaıdy.
Atalmysh pıramıda 2020 jyldyń qańtar aıynda elorda turǵynymen qurylǵan, al ol alaıaqtyqpen jeke tulǵalardyń qarajatyn ıemdenip otyrǵan. Qurylý ýaqytynan bastap qarjy pıramıdasynyń quryǵyna myńnan astam Qazaqstan Respýblıkasynyń azamaty tústi.
Qazirgi tańda atalǵan fakt boıynsha QR QK 217-b. 2-b. 4-t. sáıkes sotqa deıingi tergeý isi júrgizilýde (iri mólsherde aqshany tarta otyryp, qarjylyq pıramıdany qurý jáne oǵan basshylyq etý).
Joǵaryda kórsetilgen qarjy pıramıdasynyń zańsyz áreketinen japa shekkenderdi Nur-Sultan qalasy boıynsha Ekonomıkalyq tergeý departamentine júginýin suraımyz (Jeltoqsan kósh., 43, tel. 31-61-45, uıaly tel. 8-701-218-5318, 8-701-888-9316).
