Nur-Sultanda Mýzeıler parady aktsııasy ótedi

NUR-SULTAN. QazAqparat - Nur-Sultanda «Mýzeıler parady» aktsııasy sheńberinde «ALJIR» memorıaldy-murajaı kesheninde «Halyq dástúri – asyl qazyna» atty shara ótedi, dep habarlaıdy elorda ákimdiginiń resmı saıty.

Іs-sharanyń maqsaty: qazaq halqynyń ulttyq salt-dástúrlerimen tanystyrý, qazaq halqynyń salt-dástúrleri men ádet-ǵurpynyń tárbıelik mánin uǵyndyrý, oqýshylardyń boıyna otansúıgishtik, adamgershilik qasıetterin qalyptastyrý, tárbıelik máni bar salt-dástúrlerdi boıyna sińirý.

Oǵan Aqmol aýyly mádenıet úıiniń «Ájeler» hor ansambli, «Malınovka» izdeý toby (Aqmol aýylynyń № 5 orta mektebiniń 4-5 synyp oqýshylary), «ALJIR» murajaıynyń ujymy jáne aýyl turǵyndary qatysady.

Kelýshilerge ulttyq dastarhan jaıylyp, salt-dástúrlerden kórinis qoıylyp, ulttyq oıyndar oınatylady. Sondaı-aq qonaqtarǵa «Alash», «ALJIR» zaldary boıynsha qazaq, orys tilderinde ekskýrsııa ótkizilip, «ALJIR»-diń yzǵarly sýyǵy» derekti fılmi kórsetiledi.