Nur-Sultanda monıtorıngtik toptar karantın rejımin buzǵan 8 nysandy anyqtady

NUR-SULTAN. QazAqparat - Elordanyń monıtorıngtik toptary kásipkerlik nysandary arasynda karantın talaptaryn buzýshylardy anyqtaý jáne jolyn kesý boıynsha kúsheıtilgen, táýlik boıǵy rejımge kóshirildi.

Qala mekemeleri eskertýler men ákimshilik jaýapqa tartylǵanyna qaramastan jumys rejımi, áleýmettik qashyqtyq jáne betperde rejımi sekildi shekteý sharalaryn elemeı otyr, dep habarlaıdy Nur-Sultan ákimdiginiń resmı saıty.

Ótken táýlikte, ıaǵnı 2 shilde kúni monıtorıngtik toptar 8 nysanda shekteý sharalary buzylǵanyn anyqtady.

Al Esil aýdanynda ornalasqan «Veranda» meıramhanasy men «Just Smoke» bary ózderine belgilengen ýaqyttan keıin de jumys istedi.

Sondaı-aq, Saryarqa aýdanyndaǵy «Dlıa Svoıh» bary men «Stambýl» kafesi tún ortasynan keıin de jumysyn toqtatqan joq.

Almaty aýdanynda «Aqshauly» meıramhanasynda, «Djentelmen» kınorýmynda, «Local pub» barynda karantın tártibi buzylǵany anyqtaldy.

Tártip buzýshylarǵa qatysty jınalǵan materıaldar tıisti sharalar qabyldaý úshin sanıtarlyq-epıdemıologııa basqarmasyna jiberildi.

Aıta keteıik, elordadaǵy epıdemıologııalyq jaǵdaı áli de turaqsyz. KVI juqtyrǵan naýqastar sany kún sanap ósip keledi. Qaýipti vırýstyń odan ári taralýyna jol bermes úshin qala turǵyndary men qonaqtary, sondaı-aq kásipkerlik nysandary karantındik sharalar men sanıtarlyq normalardy qatań saqtaýy kerek.