Nur-Sultanda mobıldi brıgadalardyń jumysy kúsheıtildi
NUR-SULTAN. QazAqparat - Nur-Sultan qalasy Qoǵamdyq densaýlyq saqtaý basqarmasy Covid-19 indetine, sonymen qosa tumaý jáne JRVI sııaqty maýsymdyq aýrýlar sanynyń kóbeıýin eskere otyryp, daıyndyq jumystaryn júrgizýde, dep habarlaıdy QazAqparat tilshisi.
Qala ákimdiginiń resmı saıtynyń málimetinshe, búginde epıdemıologııalyq jaǵdaı turaqty. Qoǵamdyq densaýlyq saqtaý basqarmasy kúzgi-qysqy kezeńde COVID-19-dyń aldyn alý jáne emdeý boıynsha is-sharalar josparyn qalalyq ákimdikpen daıyndap, búginde bekitti.
Alǵashqy medıtsınalyq-sanıtarlyq kómek uıymdarynyń deńgeıinde COVID-19 sımptomsyz jáne aýrýy jeńil bolyp keletin, sondaı-aq indet juqtyrǵandarmen baılanysqa túsken adamdarǵa naýqastardy qashyqtyqtan basqarý boıynsha jumys uıymdastyrylady. KVI jáne pnevmonııamen aýyratyn naýqastarǵa úı jaǵdaıyndaǵy aýrýhanalar uıymdastyrý, sondaı-aq olarǵa aqysyz dári-dármekter berý qarastyrylǵan.
«Qalanyń barlyq emhanalarynda mobıldi toptardyń jumysy patsıentterge úıge barý arqyly qyzmet kórsetý jumysy uıymdastyryldy. Іndetke kúdikti naýqastardan t.s.s. koronavırýstyq ınfektsııaǵa úıden PTR test alý qarastyrylǵan. Olardyń sany 207-ni quraıdy», - dedi densaýlyq saqtaý basqarmasy basshysynyń orynbasary Álııa Rústemova.
Qalalyq emhanalarda áleýmettik ara qashyqtyqty eskere otyryp patsıentter úshin kútý bólmeleri, respıratorly aýrýlary bar naýqastardy qabyldaý úshin fıltr kabınetterdi uıymdastyrý qarastyrylǵan.
Qaýipti toptaǵy patsıentterdi (gıpertonııa, qant dıabeti, koronarlyq arterııa aýrýy, astma jáne basqalary) turaqty túrde baqylaý mobıldi toptardy tartýymen jalǵasatynyn atap ótkimiz keledi. Naýqastarly jospraly túrde qabyldaý mindetti aldyn ala jazylý arqyly júzege asyrylady.
