Nur-Sultanda mıtıng kezinde bir azamattyń qaza tapqany týraly aqparat jalǵan - QR ІІM
NUR-SULTAN. QazAqparat - Nur-Sultan qalasyndaǵy zańsyz mıtıng kezinde bir azamattyń qaza tapqany týraly aqparat jalǵan. Bul týraly QR ІІM baspasóz qyzmeti málim etti, dep habarlaıdy QazAqparat tilshisi.
"Nur-Sultan qalasyndaǵy zańsyz mıtıng barysynda egde jastaǵy qatysýshy esten tanyp qulady. Oqıǵa ornynda qoǵamdyq tártipti qamtamasyz etip júrgen polıtsııa qyzmetkerleri jedel medıtsınalyq kómek dárigerlerin shaqyryp, olar kelgenshe alǵashqy medıtsınalyq kómek kórsetti. Nátıjesinde azamattyń jaǵdaıy jaqsaryp, dárigerlerdiń demeýimen oqıǵa ornynan ózi ketip qaldy", - dep atap ótti mınıstrlikten.
Osy oraıda vedomstvodan jelide taraǵan qoǵamdyq tártipti buzýshylardy polıtsııanyń ustaýy kezinde bir adamnyń qaza tapqany týraly aqparat shyndyqqa janaspaıtyndyǵyn atap ótedi.
"Qyzmetkerler azamattarǵa qarsy arnaıy quraldar qoldanǵan joq. Nur-Sultan qalalyq polıtsııa departamenti qasaqana jalǵan aqparat taratý QR Qylmystyq kodeksiniń 274-babyna sáıkes qylmystyq jaýapkershilikke túrtki bolatynyn eskertedi. Atalǵan faktige oraı kináli tulǵalardy anyqtaý jáne olardy jaýapqa tartý sharalary qabyldanyp jatyr", - dedi mınıstrlikten.
