Nur-Sultanda memlekettik turǵyn úıge kezekte turǵandardy aldaǵan áıel ustaldy
NUR-SULTAN. QazAqparat – 34 jastaǵy áıel 9 qala turǵynynyń senimine kirip, aldap soqqan. Alaıaq olarǵa memlekettik baǵdarlama boıynsha turǵyn úı kezegin jyljytýǵa kómek beremin dep ýáde etken. Óziniń «qyzmeti» úshin árqaısysynan 2-den 3 mln-ǵa deıin aqsha alǵan, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Memlekettik mekemeler men bankterde baılanysy bar kásipker azamatsha jaıly qaýeset tanys adamdardyń arasynda tez tarap ketken. Sóıtip aldanǵanyn bilmegen azamattar aqshasynan aıyrylǵan.
Ustalǵan azamatsha polıtsııa departamentiniń tergeý ızolıatoryna qamalyp, respýblıka aýmaǵynda buryn jasalǵan uqsas qylmystarǵa qatysy bar-joǵy tekserilip jatyr. Aldaýdyń barlyq faktileri boıynsha QR QK 190-baby boıynsha tergeý amaldary bastaldy.
Osy adamnyń zańǵa qaıshy áreketterinen zardap shekken azamattar Beıbitshilik, 19 mekenjaıy boıynsha Nur-Sultan qalasynyń polıtsııa departamentine júginip nemese 8 (7172) 71-61-51; 71-60-69, 87025009729 nemese «102» nómirine qońyraý shala alady.
Eger siz alaıaqty tanysańyz nemese onyń alaıaqtyq áreketterinen zardap shekseńiz, dereý polıtsııaǵa habarlasyńyz.
