Nur-Sultanda memlekettik satyp alý kezinde 1,4 mlrd teńge únemdeldi
«Bıyl taýar, jumys jáne qyzmetter baǵasynyń 1,4 mlrd teńgege negizsiz kóterilýine jol berilmedi», - dep habarlady QR Sybaılas jemqorlyqqa qarsy is-qımyl agenttiginiń Nur-Cultan qalasy boıynsha departamenti preventsııa basqarmasynyń basshysy Marat Haırýllın «Atameken» kásipkerler palatasynyń qalalyq fılıalynda ótken kezdesýde.
Aıtýynsha, sybaılas jemqorlyq qylmys jasaýdyń keń taralǵan tásilderiniń biri - kásipkerlerdi shart jasasý kezindegi áreketsizdigi nemese qamqorlyǵy úshin para berýge kóndirý.
Sondaı-aq, ol sybaılas jemqorlyqqa qarsy qyzmettiń negizgi problemalaryn atap ótti.
Olardyń qatarynda bıýdjet qarajatyn bólý protsesiniń osaldyǵy, satyp alý júıesiniń ashyq emestigi, memlekettiń ekonomıkaǵa qatysýynyń joǵary deńgeıi, azamattyq qoǵam ınstıtýttarynyń memleketpen syndarly ózara is-qımyl tetikteriniń jetilmegendigi, sybaılas jemqorlyqqa qarsy sharalardyń tıimdiligi monıtorınginiń jetilmegendigi sekildi máseleler bar.
