Nur-Sultanda memlekettik qoldaý aıasynda 100-ge jýyq jobaǵa sýbsıdııa berildi
NUR-SULTAN. QazAqparat – Bıyl elordada memlekettik qoldaý aıasynda 100-ge jýyq kásipkerlik jobaǵa sýbsıdııa berildi. Bul týraly «Damý» qorynyń Nur-Sultan qalasy boıynsha aımaqtyq fılıalynyń dırektory Nursultan Abdolla málim etti, dep habarlaıdy QazAqparat tilshisi.
«Nur-Sultan qalasynda memlekettik qoldaý aıasynda bizdiń qor arqyly ótken jyly 200-deı joba júzege asty. Bıylǵy 6 aıda elordada 90 joba memlekettik qoldaýǵa ıe bolyp, onyń iske asýyna kepildik berildi. Odan bólek, bıyl 6 aıdyń ishinde 100-ge jýyq joba sýbsıdııalandy. Onyń ishinde shaǵyn, orta jáne iri kásipkerlik bar», - deıdi N. Abdýlla.
Onyń aıtýynsha, memlekettik qoldaýda basymdyq - óndirý jáne qaıta óńdeý salalaryna beriledi.
«Bizdiń qor árbir jańadan ashylǵan ónerkásipke esep júrgizedi. Ondaǵy maqsat – memlekettik qoldaý arqyly berilgen qarajattyń durys jumsalýyn qadaǵalaý. Eger memleket tarapynan berilgen qarajat maqsatsyz jumsalsa, onda ol sýbsıdııa keri qaıtarylýy tıis. Memlekettik qoldaýdyń aıasynda óz izin ashqan kásipkerdi biz jarty jyldan soń ǵana tekserýge quqyǵymyz bar. Árıne, barlyǵy kelisimshartqa sáıkes, ıaǵnı zań aıasynda sheshiledi. Karantın rejımine baılanysty búginde astanalyq kásipkerlerdi mazalaıtyn másele - tólemaqy jáne ony óteý ýaqytyn uzartý. Sonymen qatar, kásipkerler óz isin odan ári jandandyrý maqsatynda qosymsha sýbsıdııa surap otyr», - deıdi ol.
Eske sala keteıik, buǵan deıin Nur-Sultan qalasynda memlekettik qoldaýdyń aıasynda ashylǵan kásiporyndardyń jumys barysymen tanystyrǵan bolatynbyz.
