Nur-Sultanda memleketaralyq izdeýde júrgen buzaqy ustaldy
NUR-SULTAN. QazAqparat – «Quqyq tártibi» profılaktıkalyq is-sharasy barysynda polıtsııa qyzmetkerleri Qyrǵyzstannyń 29 jastaǵy azamatyn ustady, dep habarlaıdy QazAqparat elordalyq polıtsııa departamentine silteme jasap.
«Belgili bir turǵylyqty jeri joq er adam anyqtaldy. Onyń aıtýynsha, ol elordaǵa 2019 jyly aqsha tabýǵa kelgen. Tekserý barysynda sheteldik azamattyń Qyrǵyz Respýblıkasy Qylmystyq Kodeksiniń 266-babynyń 1-bóligi boıynsha memleketaralyq izdeýde júrgeni anyqtaldy. 2019 jyldyń qarasha aıynan bastap er adam buzaqylyq jasaǵany úshin quqyq qorǵaý organdarynan jasyrynyp júr», - dep habarlady Nur-Sultan qalasynyń Polıtsııa departamentiniń baspasóz qyzmeti.
Qazirgi ýaqytta ustalǵan azamat Nur-Sultan qalasy Polıtsııa departamentiniń ýaqytsha ustaý ızolıatoryna qamaldy.
Jyl basynan munda júzge jýyq adam qamaldy, onyń ishinde 12 adam tekseris barysynda izdeýde bolǵan.
Aıta keteıik, qylmysqa qarsy kúresti kúsheıtý, zań buzýshylyqtardyń aldyn alý jáne qoǵamdyq qaýipsizdikti qamtamasyz etý maqsatynda kóshelerde, qoǵamdyq oryndarda, sondaı-aq azamattardyń kóshi-qon zańnamasynyń talaptaryn saqtaýy maqsatynda 2020 jylǵy 26 qazan men 1 qarasha aralyǵynda elorda aýmaǵynda «Quqyq tártibi» jedel-aldyn alý is-sharasy ótýde.
