Nur-Sultanda membaǵdarlamamen úı «alyp beretin» áıel sottaldy
NUR-SULTAN. QazAqparat – Elordada memlekettik baǵdarlamamen úı alyp berýdi ýáde etken alaıaq 7 jylǵa jýyq merzimge sottaldy. Bul týraly Nur-Sultan qalalyq sotynan málim etti, dep habarlaıdy QazAqparat.
«Tergeý barysynda anyqtalǵandaı, azamatsha S. 2016 jyly óz tanystary arasynda jyljymaıtyn múlikti naryqtaǵydan tómen baǵamen zańdy túrde alý múmkindigi jáne memlekettik baǵdarlama boıynsha baspana kezegin alǵa jyljytyp beretindigi týraly kórineý jalǵan aqparat tarata bastaǵan. Osy jyldyń maýsym aıynda ol elordada turatyn kelinshekpen tanysyp, ony memlekettik baǵdarlamamen úı alýǵa kóndirgen. Solaısha, odan 4 mln 800 myń teńge kóleminde aqsha alǵan. Alaıda, ol ózine alǵan mindettemeleri boıynsha qandaı da bir áreketterdi qolǵa almaǵan jáne ony oryndaý oıynda da bolmaǵan», - dedi qalalyq sottan.
№2 Almaty aýdandyq soty áıeldi QR QK-niń 190-baby 3-bóliginiń 1-tarmaqshasy (Іri kólemde jasalǵan alaıaqtyq) boıynsha kináli dep tanydy.
«Azamatsha S. 2017 jyly QR QK-niń 190-baby 4-bóliginiń 2-tarmaqshasy boıynsha sottalǵandyqtan, oǵan anaǵurlym qatań jazany belgileý maqsatynda sottyń sońǵy sheshimimen 6 jyl 8 aı bas bostandyǵynan aıyrý taǵaıyndaldy», - delingen vedomstvo aqparatynda.
