Nur-Sultanda mashınany aıdap ketý oqıǵalary jıilep ketti
NUR-SULTAN. QazAqparat – Jyl basynan beri elordada 15 kólik urlaý isi tirkeldi, ótken jyldyń osy kezeńinde bundaı oqıǵa tek úsheý bolǵan. Avtokólik tonaý isi aıtarlyqtaı azaıǵan, dep habarlaıdy QazAqparat Nur-Sultan qalalyq PD-ǵa silteme jasap.
Jedel-izdestirý sharasyn júrgizý kezinde polıtsııa qyzmetkerleri buǵan deıin urlyq jasaǵany úshin sottalǵan 46 jastaǵy er adamdy ustady. Kúdikti «KamAZ» avtokóliginiń salonynan aqshalaı qarajatty urlaǵan. Tús mezgilinde ol áriptes júrgizýshimen birge bara jatqan. Zardap shegýshi avtokólikten shyǵyp ketkende kúdikti onyń syrt kıiminiń qaltasynan 80 myń teńgeni urlaǵan. Ustalýshy kinásin moıyndady, qazir onyń basqa qylmystarǵa qatysynyń bar-joǵy anyqtalyp jatyr. Atalǵan fakti boıynsha QR QK 188-babymen («urlyq jasaý») sotqa deıingi tergeý júrip jatyr.
Taldaý kórsetkendeı, jyl basynan beri elordada 15 avtokólik urlyǵy tirkelgen, ótken jyldyń sáıkes kezeńinde bul kórsetkish 3-ti qurady. Jedel-izdestirý is-sharalary barysynda barlyq kólik quraldary tabylyp, ıelerine qaıtaryldy.
Sonymen qatar, avtokólik urlyqtarynyń sany aıtarlyqtaı azaıdy. Eger ótken jyly qańtar aıynda 21 avtokólik tonaý tirkelse, osy jyly barlyǵy 9 urlyq isi tirkelgen. Polıtsııa avtomobıl salondaryn tonaý negizinen júrgizýshilerdiń uqypsyzdyǵynan bolatynyn atap ótti.
«Kólik quralyn qaldyryp bara jatqanda salonnan barlyq qundy zattardy ózińizben birge alyp júrýdi umytpańyz. Júrgizýshilerge kólik quralyn kúzet dabylymen jabdyqtaýdy, keter aldynda avtokólikti jabýdy jáne avtokólikti táýlik boıy baqylaýda bolatyn kúzetiletin turaqqa qoıýdy usynamyz», - dedi polıtsııadan.
