Nur-Sultanda mas kúıinde polıtsııaǵa qoqan-loqy kórsetken júrgizýshiniń isi tekserilip jatyr
Atalmysh shara jol-kólik oqıǵalarynyń aldyn alý jáne jol qozǵalysy erejelerin buzýdyń jolyn kesýge baǵyttalǵan.
17 mamyrdan bastalǵan operatsııa barysynda polıtsııa mas kúıde kólik júrgizgen 9 júrgizýshini ustady.
Jedel basqarý ortalyǵynyń beınebaqylaý operatorlary saǵat 09:30-da Qorǵaljyn tasjolynan «BMW» avtokóligin baıqaǵan. Kólik júrgizýshisi jolda qaýipti jaǵdaı týdyrǵan.
Tártip buzýshyny ustaý kezinde Jedel basqarý ortalyǵynyń operatorlary patrýldik polıtseılerdiń is-qımylyn úılestirip, tártip buzýshynyń júrý baǵytyn kórsetti. Bógenbaı batyr kóshesinde «BMW» markaly avtokólik toqtap, ishinen 32 jastaǵy mas júrgizýshi túsken. Er adam qoqan-loqqy kórsetip, polıtsııanyń zańdy talaptaryn oryndaýdan bas tartqan. Patrýl kóliginde bolǵan kezde ol dóreki sózder aıtyp, beınejazba kamerasyna qarap, «jazalaryńdy beremin» dep polıtsııa qyzmetkerin qorqytqan.
Medıtsınalyq kýálandyrý derekteri boıynsha júrgizýshi ortasha aýyr mas kúıde bolǵan. Kólik quralyn mas kúıinde júrgizgeni úshin oǵan QR ÁQBtK-niń 608-baby 1-bóligimen ákimshilik is qozǵaldy.
Sot sheshimimen ol qamaýǵa alynyp, Nur-Sultan qalasy polıtsııa departamentiniń ýaqytsha ustaý ızolıatoryna 15 táýlikke qamaldy. Sondaı-aq júrgizýshi 7 jyl merzimge júrgizýshi kýáliginen aıyryldy. Avtomashına kommýnaldyq aıyp turaǵyna ornalastyryldy. Polıtseıge qoqan-loqy kórsetý faktisi boıynsha tekserý júrgizilýde.
20 mamyrda qala aýmaǵynda polıtsııa qyzmetkerleri 500-ge jýyq jol qozǵalysy erejelerin buzǵandardy anyqtady. Onyń ishinde 6 qoǵamdyq kólik júrgizýshisi jáne jalǵan nómirleri bar 1 júrgizýshi ustaldy. Kommýnaldyq turaqqa 13 kólik ornalastyryldy, basqa da tártip buzýshylyqtar úshin 28 tirkeý nómirlik belgiler alyndy.