Nur-Sultanda qylmys 34 paıyzǵa azaıdy
NUR-SULTAN. QazAqparat - Karantın kezinde elordada qylmys kórsetkishi 34 paıyzǵa, jol-kólik oqıǵalary 76 paıyzǵa azaıdy. Bul týraly Ortalyq kommýnıkatsııalar qyzmetindegi brıfıngte Nur-Sultan qalalyq polıtsııa departamentiniń bastyǵy Erjan Sádenov aıtty, dep habarlaıdy QazAqparat tilshisi.
«Polıtsııa departamenti tótenshe jaǵdaı kezinde jumysyn jalǵastyrýda. Polıtsııa men áskerler birlesip, táýlik boıy patrýldeýde, azamattarmen aldyn alý jumystary júrgizilip jatyr. Planshetterge jaıaý júrginshiler men kólikterdiń úı-jumys qozǵalys baǵdarlary engizilýde»,- dedi ol.
Osy rette departament basshysy sizderge memlekettik komıssııa sáýir aıynyń sońyna deıin karantın merzimin uzartý týraly sheshim qabyldaǵandyǵyn eske salyp ótti.
«Jalpy alǵanda karantın kezinde qylmys sany 34, aýyr, asa aýyr qylmystar 43 jáne tıisinshe 32 paıyzǵa tómendedi. Onyń ishinde urlyq, alaıaqtyq, buzaqylyq jáne basqa da qylmystar sany azaıdy. Jol kólik oqıǵasynyń sany 76 paıyzǵa, zardap shekkender 72 paıyzǵa tómendedi. Jol qozǵalysy erejesin buzǵandar 67 paıyzǵa kemidi», - dedi Erjan Sádenov.
