Nur-Sultanda qurylysy bitpegen ǵımarattan órt shyqty
NUR-SULTAN. QazAqparat - Nur-Sultanda Máńgilik el dańǵylynyń boıynda ornalasqan qurylysy bitpegen ǵımarat órtendi, dep habarlaıdy QazAqparat.
«Búgin saǵat 17:10 shamasynda qalalyq tótenshe jaǵdaılar departamentiniń órt sóndirýshileri Máńgilik el, 40 A mekenjaıyna kelip jetti. Kele salysymen qurylysy bitpegen «Kórkem-4» turǵyn úı kesheninde bıtým jumystary jasalyp jatqany belgili boldy. Osy jumystyń barysynda aǵash «poddondar» órtengen. Qyzyl jalyn 20 sharshy metr aýmaqty sharpydy» dep málim etti TJD baspasóz qyzmeti.
Órt 17:36 shamasynda sóndirilgen. Oqıǵadan eshkim zardap shekken joq.
