Nur-Sultanda qulaǵaly turǵan úılerdi buzý jumystary bastaldy
NUR-SULTAN. QazAqparat - Nur-Sultanda eski apatty kúıde turǵan úılerdi buzý jumystary bastaldy, dep habarlaıdy qalalyq ákimdiktiń baspasóz qyzmeti.
Bıyl 800-den astam otbasy jańa jáne qaýipsiz úıge kóshiriledi. Máselen, qazir Beısekbaev kóshesinde ornalasqan eski úıler kúrelýde. Bul úılerdiń paıdalanýǵa berilgenine 70 jylǵa jýyqtady.
Jyl sońyna deıin kúreletin úılerdiń qatarynda 1930 jyly salynǵan baspanalar bar. Budan bólek 2020 jyly TKSh jańǵyrtý baǵdarlamasy boıynsha 50-den astam kóppáterli turǵyn úı kesheni jóndelip, 100-den astam jedelsatyǵa jóndeý jáne aýystyrý júrgigiziledi.
Jańǵyrtý baǵdarlamasy – ol qaıtarylatyn qarjy. Memleket kúrdeli jóndeýge qarjy bóledi, keıin ol 15 jyl merzimge deıin turǵyndardyń arasynda bólinedi.
Ótken jyly «Nurly jer» baǵdarlamasy boıynsha 8 apatty úıdiń turǵyndary kóshirilip, 90-nan astam otbasy jańa páterge qonystandy. Sonymen birge úıleri munaı bazasyna jaqyn ornalasqan 39 razezdiń turǵyndary qaýipsiz jerge kóshirildi.
