Nur-Sultanda qosymsha dezınfektsııalyq keshender ornatyldy
Qaladaǵy alǵashqy dezınfektsııalyq keshen №3 kópbeıindi balalar aýrýhanasynda ornatylǵan bolatyn. Dezınfektsııalyq keshen medıtsınalyq qyzmetkerler men kelýshilerdiń kıimderinen qaýipti patogenderdi joıýǵa múmkindik beredi.
«Qondyrǵy bý generatorlarynyń kómegimen jumys isteıdi. Dezınfektsııalaý quraldary bar bý shyǵaratyn arnaıy motorlar bar. Bul keshen arqyly ótý kıimniń bar qyrtysyndaǵy qaýipti patogenderdi joıýǵa múmkindik beredi. Qondyrǵyny medıtsına qyzmetkerleri kúnine eki ret, jumysqa shyqqanda jáne aýysym aıaqtalǵan soń paıdalanady. Naýqastar da osy keshen arqyly óte alady. Jalpy osyndaı 10 dezınfektsııalyq keshen bar», - deıdi qyzmet kórsetýshi uıym ókilderi.
Jaqyn arada basqa medıtsına mekemelerinde jáne adam kóp jınalatyn oryndarda osyndaı dezınfektsııalyq tonnelder ornatylady. Elorda emhanalarynda koronavırýs ınfektsııasynyń belgilerin tekserý úshin teplovızorlar ornatyldy.
Temperatýrany ólsheýge arnalǵan qurylǵylar kireberiste ornalasqan. Kelýshiler men dárigerlerdiń dene qyzýy joǵary bolǵan jaǵdaıda mehanızm birden belgi beredi.
Teplovızorlar jeke demeýshi, bıznesmen Nurlan Smaǵulovtyń qoldaýymen ornatyldy. Elorda ákimdigi kórsetilgen kómek úshin alǵys aıtady.