Nur-Sultanda qos jaǵalaýdy jalǵaıtyn jańa kópir salynady
NUR-SULTAN. QazAqparat – Nur-Sultan qalasynyń ákimi Altaı Kólginov Esil ózeninen ótýge arnalǵan jańa kópir qurylysy týraly aıtyp berdi, dep habarlaıdy QazAqparat tilshisi.
«Bıyl Táýelsizdik dańǵylymen Esil ózeninen ótetin kópir qurylysyn bastaımyz. Aldaǵy eki jylda qurylys aıaqtalady. Sonda Máńgilik el dańǵylyndaǵy kólik keptelisi azaıtyp, oń jáne sol jaǵalaýlardy qosymsha kópirmen jalǵaımyz», - dedi A. Kólginov Ortalyq kommýnıkatsııalar qyzmetinde ótken baspasóz máslıhatynda.
Sonymen birge, bıyl 2 kópirdiń qurylysy aıaqtalyp, paıdalanýǵa berilýi tıis.
«Kólik júktemesin azaıtý úshin qosymsha kópirler salýymyz qajet. Qazir shartty ataýy №27 kóshe ázirlenip jatyr. Onda Jańa vokzalǵa qaraı Nura-Esil kanaly men Esil ózeninen ótetin eki kópir salynǵan. Bul da oń jáne sol jaǵalaýdardaǵy kólik keptelisin azaıtýǵa kómektesedi. Bıyl barlyq qurylys aıaqtalyp, paıdalanýǵa beriledi», - dedi elorda ákimi.
