Nur-Sultanda koronavırýstyń 4585 belsendi oshaǵy tirkeldi
NUR-SULTAN. QazAqparat – Nur-Sultan qalasy bas sanıtar dárigeriniń orynbasary Janna Pralıeva koronavırýspen aýyryp jatqan elordalyqtardyń jas quramy týraly málimet berdi, dep habarlaıdy QazAqparat tilshisi.
«Naýqastardyń 80 paıyzy eresekter, 16,6 paıyz balalar jáne 2,7 paıyzy jasóspirimder. Eresek naýqastarǵa toqtalsaq, naýqastardyń 22,6 paıyzyn 30-39 jas arasyndaǵylar, 40-49 arasyndaǵy adamdar 13,9 paıyzyn, 50-59 jas arasyndaǵylar 14,1 paıyzyn, 18-29 arasyndaǵylar 16,2 paıyzyn, 60-tan asqandar 13,7 paıyzyn quraıdy», - degen bas sanıtardyń orynbasary ákimdiktiń onlaın brıfıngisinde.
Onyń aıtýynsha, qazirgi tańda belsendi oshaqtardyń sany 4585-ke jetken.
«Onyń ishinde 2871-i úıdegi oshaq. Naýqaspen baılanysta bolǵandardyń sany – 3122 adam. Vırýstyń qarqyn alýyndaǵy basty sebepterdiń biri delta-shtamnyń paıda bolýy ekenin bilesizder», - dedi Danna Pralıeva.
