Nur-Sultanda koronavırýstan emdelip jatqan 10 adam úılerine shyǵarylmaq
NUR-SULTAN. QazAqparat – Búgin elordada koronavırýstan emdelip jatqan 10 adam úılerine jiberiledi. Bul týraly Habar 24 arnasynda ótken onlaın brıfıngte aıtyldy, dep habarlaıdy QazAqparat tilshisi.
«Zerthanalyq jolmen koronavırýs juqtyrǵany anyqtalǵan 10 naýqas búgin úılerine jiberiledi. Olardyń densaýlyq jaǵdaıy qanaǵattanarlyq, Eshqandaı shaǵymdary joq. Zerthanada eki ret qaıtalap tekserildi. Olar aýrýhanadan shyqqan soń eki apta boıy úı jaǵdaıyndaǵy karantınde bolady», - Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qısyqova.
