Nur-Sultanda koronavırýspen kúreske 100 mln teńge bólindi

NUR-SULTAN. QazAqparat – Nur-Sultan qalasynda koronavırýspen kúresý úshin 100 mln teńge bólindi. Bul týraly Ortalyq kommýnıkatsııalar qyzmetiniń alańynda ótken brıfıngte Nur-Sultan qalasy ákiminiń orynbasary Baqtııar Máken aıtty, dep habarlaıdy QazAqparat tilshisi.

«Elbasy tapsyrmasy boıynsha Nur-Sultan qalasyna 100 mln teńge bólindi. Mynaǵan nazar aýdarǵym keledi: Volonter jyly aıasynda «Nur Otan» partııasymen birge aktsııa bastadyq. Halyqtyń áleýmettik álsiz toptaryn azyq-túlik, gıgıenalyq quraldar jáne qorǵanys maskalarymen qamtamasyz etemiz. Qordyń aqshasy qaıda jumsalyp jatqanyn jarııalap otyramyz. Metsenattar bólgisi keletin qarajatty da jarııalap otyramyz. Bul qarajattyń bári koronavırýspen kúreske arnalǵan», - deıdi Nur-Sultan qalasy ákiminiń orynbasary Baqtııar Máken.