Nur-Sultanda koronavırýsqa PTR testileý qansha turady
«Invivo» medıtsınalyq zerthanasynda bir reagent qunynyń baǵasy – 18 500 teńge.
«Shilde aıynan bastap, test júrgizemiz be, joq pa, áli belgisiz. Reagent jetkizýshiniń keshigýinen PTR testileýdi 2 shildege qaldyrdyq. Bastasaq ta, qatań túrde aldyn ala jazylý boıynsha qabyldaımyz. Testileý baǵasynyń da ózgerý-ózgermeýi belgisiz», - dep jaýap berdi zerthananyń Call-ortalyǵy.
«Green clinic» kópbeıindi medıtsınalyq ortalyǵynda PTR ádisimen testileý quny sál qymbatyraq.
«Bizde reagent taýsylyp qaldy. Shildeniń basynda jetkizilýi tıis. PTR ádisimen testileý quny – 19 300 teńge. Onyń nátıjesi 6 nemese 8 kúnde belgili bolady», - dedi medıtsınalyq ortalyqtan.
Aıta keteıik, búgin Ortalyq kommýnıkatsııalar qyzmetinde Densaýlyq saqtaý vıtse-mınıstri Lıýdmıla Bıýrabekova PTR-testileýden ótý quny – testiń óziniń satyp ákelingen baǵasynan nelikten qymbat ekenin túsindirdi.
«Bul jerde tólem PTR-test úshin ǵana jasalmaıdy. PTR-testileý qyzmeti úshin de aqy alynady. Ol tólemge testiń ózi ǵana emes, bul qyzmetti júrgizýge qajetti materıaldar shyǵyny da kiredi. ıAǵnı onda 40-qa tarta zerthanalyq buıym bar: materıaldarǵa arnalǵan zonttar, kóliktik orta tútigi jáne taǵy basqalar», - dedi Lıýdmıla Bıýrabekova.
Vıtse-mınıstrdiń aıtýynsha, bul qyzmet qunyna medıtsınalyq qyzmetkerlerdiń qorǵanys quraldary men aılyǵy da kiredi.
Sonymen birge, «Ulttyq saraptama ortalyǵy» AQ koronavırýsqa aqyly túrde PTR-test jasaý qyzmetin toqtatty.
«2020 jyldyń 25 maýsymyndaǵy QR Bas sanıtarlyq dárigeriniń №43 qaýlysyna sáıkes, COVID-19-ǵa zerthanalyq saraptama júrgizý boıynsha aqyly qyzmet ýaqytsha toqtatyldy. Tegin testileý suraqtary boıynsha emhanalarǵa habarlasýyńyzdy suraımyz», - delingen Ulttyq saraptama ortalyǵynyń habarlamasynda.
Ulttyq ortalyqta koronavırýsqa aqyly PTR testileý júrgizý quny 11 500 teńge bolatyn.
