Nur-Sultanda koronavırýs juqtyrǵandardyń basym bóligi - qoǵamdyq kólikpen júretinder
NUR-SULTAN. QazAqparat – Elordada qoǵamdyq kólikpen qatynaıtyn turǵyndar arasynda koronavırýs juqtyrǵandardyń sany artyp barady. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtty, dep habarlaıdy QazAqparat tilshisi.
«Osy ýaqytqa deıin biz vaktsınany qabyldaý árkimniń jeke sheshimi dep eseptedik. Bul shynymen de solaı. Biraq siz úıde otyrsańyz, jumysqa kelmeseńiz, basqa adamdarmen qarym-qatynas jasamasańyz ǵana. Statıstıka qazir indetke shaldyqqandardyń basym kópshiligi qoǵamdyq kólikti belsendi paıdalanatyndar jáne adamdar kóp jınalatyn saýda ortalyqtary, oıyn-saýyq jáne mádenı mekemeler, barlar men meıramhanalar syndy oryndarǵa baratyn kisiler ekendigin kórsetip otyr. Bul aýrýdyń ósýine negizgi túrtki -jumys jasaıtyn adamdar toby. Sondyqtan aǵzany senimdi qorǵaý qajet. Al bul árıne – vaktsınatsııa», - dedi ol.
Onyń atap ótýinshe, qorqynyshty aýrýdy toqtatý, adam ólimin boldyrmaý úshin qysqa merzimde jappaı vaktsınatsııalaý júrgizý qajet.
«Osyndaı qajetti jáne jaýapty sheshimdi durys túsinip, qoldaýlaryńyzdy suraımyn. Vaktsınatsııamen qatar, áleýmettik qashyqtyqty saqtaý, qorǵanys maskalaryn kııý, qol gıgıenasyn saqtaý jáne adamdar kóp jınalatyn jerlerge barmaý sııaqty aldyn-alý is-sharalaryn saqtaý da óte mańyzdy. Eń bastysy, buqaralyq jáne ujymdyq is-sharalarǵa qatyspaý jáne uıymdastyrmaý qajet», - dedi Sarhat Beısenova.
